Góðu fjepparar
Í samband við dystin Holland – Føroyar tann 16. mars, verður skipað fyri upphiting, har vit savnast til eitt hugnaligt tiltak áðrenn dystin.
Upphiting íroknað drekka, sjálvtøkuborð og undirhald fyri einans 265,- kr. + avgreiðslugjald.
Buffet við kinesiskum rættum, pizza, kjøt, fiski og øðrum ymiskum smárættum.
Sodavatn, kaffi/te, øl og vín – alt er íroknað prísin.
Føroyskur tónleikari hitar upp og skipað verður fyri andlitsmáling.
Tú fær alt hetta fyri bara 265,- kr. + avgreiðslugjald pr. persón í forsølu.
(spar 50 kr.) Legg til merkis, at tað er avmarkað nøgd, so skunda tær !!!
Ynskir tú at tryggja tær atgongumerkið til upphitingina, so far á leinkjuna her:
Um nakað atgongumerkir verður eftir, so kann tú keypa við dyrnar, og tá kostar tað 335,- + avrgeiðslugjald kr. pr. persón.
Hvar verður upphitingin: Atlantis Almere – 2 minuttir til gongu frá høllini har dysturin verður spældur.
Dyrnar lata upp: kl. 12.00 – 14.30 (2,5 tímar)
Fyri at sleppa undan at standa í kø í Hollandi, verður tað møguleiki at heinta T – Shirt og armiband til upphitingina hjá Wenzel, Slættanesgøta 5 í Tórshavn frá mikudegnum 26. februar 2025.
Vit gleða okkum at síggja tykkum til eina fantastiska uppliving og ein góðan landsdyst.